Vuennon ja Matkakosken vuorot

Takaisin

per-grape-kuvaaja-jarno-niskala
Per Grape. Kuva/Foto: Jarno Niskala

Per Grape, Matkakoski:

”Illasta lipposi jonku tunnin, näe ko seittemältä aloit. Se porukka lipposi siihen, että tuli pimeä ja jatkoit aamula. Seittemän aikana oli jako tässä ja uusi porukka alko lippoahmaan. Se on ihme, ettei siika niin nouse yölä, saat soutaa tyhjää tuola, minun tunnosta kymmenen jälkhiin ei paljon tule siikaa. Se pannee nukkuhmaan, se jääpii nuihin kuophiin tuone alle”.

Lars Antti. Kuvaaja Jarno Niskala.jpg
Lars Antti. Kuva/Foto: Jarno Niskala

Lars Antti, Vuento:
”Ne tuli lippoahmaan seittemän aikana illala, ne vaihto vuoron sitte yhen aikana yölä ja sitte seittemhään (aamu) ja sitte taas. Se oli kohta aina auringonpaisto yhen aikana yölä ja nelhjään puoli viitheen, sillon se muuttuu ilma aina. Lipothiin läpi yön.”

heimo-nikula-matkakoskella-kuvaaja-jarno-niskala
Heimo Nikula Matkakoskella. Kuva/Foto: Jarno Niskala

Heimo Nikula:
”Kolmannen päivän miehet lipposi sielä kurussa ja onkikalliolla. Ne oli semmoset, joilla ei ollu manttaalia. Sandbergin Martti ja Siltalan Eemi oli ylleensä lipolla, jos oli täysi miehitys muuten lippopaikoila. Ne sai siiat itelle”.

”Ne joila ei ollu vuoroa sai käyä sielä ja saihan sielä muukki, kävihän sielä neki, joila oli vuoro, sielä kolmannen päivän paikala lipola. Se oli paljon minua vanhempi se tapa. Luultavasti se oli alkanu sillälaila, että ne joila ei ollu vuoroa oli alkanu sieltä täältä kokkeilemaan tulleeko siikoja.”

Takaisin